Evlilik verilişi yenidən efirə qayıdır
Türkiyədə “evlilik” proqramları sırasında məşhur olan “Kanal D” telekanalında yayımlanan "Kısmetse Olur" evlilik verilişi yenidən yayımlanacaq.
“Ölkə.Az” xəbər verir ki, Seda Akgülün aparıcısı olduğu "Kısmetse Olur" evlilik verilişi sabahdan etibarən yalnız internet saytında tamaşaçılara təqdim olunacaq.
Qeyd edək ki, 2 mövsümdür “Kanal D” ekranında yayımlanan proqram artıq kanalın saytı ilə tamaşaçıların görüşünə gələcək.
Adıçəkilən veriliş yeni hissələri ilə həftə içi hər gün, saat 10.00-da pulsuz yayımlanacaq.
Xatırladaq ki, bir müddət əvvəl RTÜK (Türkiyənin Ali Televiziya və Radio Qurumu) mənfi ictimai rəy alan və məscidlərdəki cümə xütbələrində tənqid edilən evlilik proqramları barəsində cəza tədbiri görüb.
Ziya Səccad
Ölkə.az
