Dünyanın ən sürətli superkarı
"Bugatti" şirkətinin yeni modeli dünya sürət rekordunu qırmağa hazırlaşır.
"Ölkə.Az" xəbər verir ki, şirkətin tarixini nəzərə alsaq, bu heç də qəribə deyil.
2010-cu ilin iyul ayında keçmiş "Formula 1" pilotu Pyer-Anri Rafanel yol maşınları arasında ən yüksək sürəti qeydə alaraq "Ginnesin Rekordlar Kitabı"na düşüb. O, "Veyron Super Sport" modeli ilə 431 km/saat sürət yığmışdı. Təəccüblü deyil ki, şirkətin yeni modeli bu rekordu yeniləmək niyyətindədir.
Kompüter modelləşdirilməsinə əsasən "Chiron" modeli "Veyron Super Sport"a nisbətən daha sürətlidir. Satışa çıxacaq standart modelin maksimal sürəti 420 km/saatdır. Elektron məhdudlaşdırıcı bundan artıq sürətə icazə vermir. Əgər elektron məhdudlaşdırıcı olmasa, avtomobilin maksimal sürəti 463 km/saat olacaq.
Hikmət
Ölkə.Az
