Meksikada narkotik kartellər arasında müharibə
Meksikada narkotik kartellər arasında müharibə başlayıb.
"Ölkə.Az" xəbər verir ki, son 4 gün ərzində 12 nəfər həlak olub. Uzun müddətdir kartellər arasında baş verən mübarizə silahlı toqquşmaya çevrilib.
Meksika polisi bildirib ki, Tamaulipas əyalətinin Reynosa şəhərində iki qruplaşma arasında baş verən silahlı toqquşmada 5 nəfər həlak olub. Eyni şəhərdə həftənin çərşənbə axşamı başlayan atışmalarda 7 nəfər də dünyasını dəyişib.
Açıqlamada bildirilir ki, yük maşını və avtobuslarla ABŞ-a aparılan narkotik maddələr ələ keçirilib, 4 nəfər saxlanılıb.
Qeyd edək ki, "Gulf" narkotik kartelinin Reynosa şəhər lideri Xulian Luis Salinas 23 aprel tarixində qətlə yetirilib. Bu qətldən sonra bölgədə silahlı toqquşmalar baş qaldırıb.
Hikmət
Ölkə.Az
