Oqtay Əsədov: "Hər dəfə mən zəng etməyim ki, filan şey çatmır”

Milli Məclisin spikeri Oqtay Əsədovdan irad. Spiker parlamentin işlər müdiri Firudun Hacıyevə etiraz edib.

F.Hacıyev parlamentin bu günki iclasında Milli Məclisinin 2015-ci il üçün xərclər smetası haqqında danışıb.

Lakin O.Əsədov onun sözünü kəsərək öz iradını bildirib.

Spiker Milli Məclisin işlər müdirinə üzünü tutaraq konkret danışmağı tələb edib. “Sənin Maliyyə Nazirliyindən nə xahişin var? Konkret sözünü de. Hər dəfə mən zəng etməyim ki, Samir müəllim filan şey çatmır”.

Daha sonra çıxışına davam edən Firudun Hacıyev parlamentin yarım milyonluq istəyini diqqətə çatdırıb: “Hörmətli Samir müəllim, rəqəmsal tv qəbul edicisinin alınıb quraşdırılmasına və abunə haqlarının ödənilməsinə, digər alışlar və xidmətlər üçün 50 min manat, Milli Məclisin avtoparkının maddi-texniki bazasının yaxşılaşdırılması məqsədi ilə avto maşınların alınması üçün 400 min manat, həmçinin inzibati bina üçün bir ədəd UPS alınmasına 50 min manat ayrılmasına köməklik göstərməyinizi xahiş edirik”./Anspress/

Ölkə.Az