Tanzaniyada terror kimi qəza

“Ölkə.Az” xəbər verir ki, yüksək sürətlə hərəkət edən orta məktəb avtobusu Karatu rayonunda qəzaya uğrayıb. İçərisində 39 nəfərin olduğu məktəb avtobusu Aruşa şəhərində dağlıq istiqamətdə hərəkətdə olarkən qəzya uğrayıb. Sürəcü yüksək sürətlə hərəkətdə olan avtobusun idarəetməsini itirib. Nəticədə maşın dərəyə aşıb.

Şəhərin polis idarəsinn rəisi Çarlız Mukumbonun verdiyi məlumata görə, qəza zamanı 34 nəfər ölüb, 4 nəfər ağır yaralanıb.

“Qəzada ölənlərdən biri sürücü, biri müəllim, ikisi inzibati işçi, digərləri isə şagirdlərdir. Qəza zamanı 4 şagird yaralanıb. Yaralılar xəstəxanalara yerləşdirilib. Ölənlərin bəzilərinn cəsədləri hələ tapılmayıb”, - deyə Çarlız Mukumbo bildirib.

Avtobus dərə kənarından meşəliyə aşdığı üçün içərisində olan sərnişinlər ölümcül yara alıblar. Onlardan bir neçəsinin isə cəsədi hələ tapılmayıb.

Qəzanın səbəblrəi məlum deyil. Hazırda faktla bağlı araşdırma aparılır.

Ziya Səccad
Ölkə.az