Prosineçkini daha bir klub istəyir?
Millimizin baş məşqçisi Robert Prosineçkini transfer etmək klubların sırasına daha bir əlavə olunub.
"Konyaspor" xorvatiyalı mütəxəssislə maraqlanır. Komandanın hazırkı çalışdırıcısı Aykut Kocamanın "Fənərbaxça"ya keçəcəyi gözlənildiyi üçün klub yeni baş məşqçi vəzifəsinə R.Prosineçkinin gətirməyi planlaşdırır.
Millimizin baş məşqçisi ilə artıq ilkin danışıqlara başlandığı bildirilib.
Qeyd edək ki, R.Prosineçki ilə "Bursaspor", "Valensiya" və "Sevilya"nın maraqlandığı iddia edilir.
Onu da qeyd edək ki, Azərbaycan mediasında bu kimi xbərlərin Prosineçkinin yaxınları tərəfindən mediaya servis edildiyi, xəbərlərin əslinin olmadığı barədə versiyalar səslənir. Bildirilir ki, bunu etməkdə məqsəd Prosineçkinin AFFA ilə müqaviləsini daha srfəli şərtlərlə uzatmaqdır. (qol.az)
Ölkə.Az
