"Borussiya"-nın baş məşqçisi klubdan ayrıla bilər

"Ölkə.Az" xəbər verir ki, baş məşqçinin klubun icraçı direktoru Hans-Yoahim Vatske ilə arasında yaranan münaqişə buna səbəb ola bilər.

İnsidentə səbəb "Monako" klubu ilə oyundan əvvəl komandanın avtobusunun yanında baş verən partlayışdır. 11 aprel tarixində baş verən terror aktı nəticəsində futbolçu Mark Bartra zədələnmişdi. Nəticədə tibbi əməliyyat keçirildi. Komandalar arasında görüş isə növbəti günə təyin edildi. Alman komandası oyunda məğlub olaraq növbəti tura adlaya bilmədi.

Baş məşqçi isə oyunun növbəti günə təyin edilməsindən narazıdır. Oyunun növbəti günə təyin edilməsinə klubun prezidenti Raynhard Rauball və icraçı direktor Vatske qərar verib. Bu qərarın qəbul edilməsində Tuxel iştirak etməyib. Bu səbəbdən isə tərəflər arasında münaqişə başlayıb. Tuxel klubu müqaviləsi bitmədən əvvəl də tərk edə bilər.

Hikmət
Ölkə.Az