İraqlı kürdlər payızda müstəqillik referendumuna hazırlaşırlar
İraqda yaşayan kürdlər payız aylarında müstəqillik barədə keçiriləcək referenduma hazırlaşırlar.
"Ölkə.Az" xəbər verir ki, ingilislərin nüfuzlu "The Times" qəzeti bölgədəki yüksək vəzifəli məmurlara istinadən bu barədə məlumat paylaşıb.
Qəzetə müsahibə verən İraq mərkəzi hökumətinin sabiq xarici və maliyyə naziri Hoşyar Zebari deyib: "İraqın gələcəyindən ümidimizi üzmüşük. İŞİD-ə qarşı keçirilən Mosul əməliyyatının payızda başa çatmasını gözləyirik. Elə bu aylarda müstəqillik referendumu keçirməyi planlaşdırırıq".
İraq Kürdüstan bölgəsəl administrasiyanın prezidenti Məsud Bərzaninin müşaviri Hemin Havrami də bildirib ki, referendum Kərkükü də əhatə edəcək.
Hikmət
Ölkə.Az
