Cəlilabadda daş salnamə tapıldı
Cəlilabad rayonunda daş salnamə aşkar edilib.
"Ölkə.Az" Report-a istinadən xəbər verir ki, tarixçi Elşad Əmənovun verdiyi məlumata görə, salnamənin üzərində 14 hərf-işarə var.
Yazı qrafiki Mingəçevirdə, Şimali Qafqazda, Altay ərazisində, Urmiya və Ön Asiyada tapılmış yazı nümunələrinə çox oxşardır. Yazılı daşın bir üzünə baxış keçirilsə də, digər üzü torpağa bitişik olduğundan tədqiq etmək mümkün olmayıb.
Tarixçinin sözlərinə görə, bu tip yazılara Mixi yazıları dövründə də rast gəlmək mümkün olub: "Bu yazı təqribən e.ə. V əsrə aiddir. Bunun ciddi tədqiqata ehtiyacı var".
