Aralıq dənizində 2 qayıq batdı
Aralıq dənizində miqrantları daşıyan 2 qayıq batıb.
"Ölkə.Az" xəbər verir ki, insident nəticəsində 250 nəfər itkin düşüb. Bu barədə BMT məlumat yayıb.
BMT-nin qaçqınlar üzrə ali komissarlığından verilən açıqlamaya əsasən bazar günü Liviya sahillərində bir gəmi batıb. Hələ də tapılmayan 163 nəfərin artıq sağ qalma ehtimalı azdır. 7 nəfər isə xilas edilib.
Siciliya sahillərində də 132 nəfəri daşıyan bir qayıq batıb. 50 nəfər xilas edilərək Siciliyanın Pozzallo şəhərinə aparılıb.
BMT-dən həm də bildirilib ki, bu il Şimali Afrikadan Aralıq dənizi vasitəsilə İtaliyaya keçmək istəyən 1300 nəfər itkin düşüb.
Hikmət
Ölkə.Az
