Avstriyanın baş nazirinin müavini istefa verdi
Avstriyanın vitse-kansleri Raynhold Mitterlener siyasəti tərk etdiyini bəyan edib.
"Ölkə.Az" xəbər verir ki, Raynhold eyni zamanda iqtisadiyyat naziri postunu və Avstriya xalq partiyasının rəhbəri vəzifəsini də tərk edir.
Mitterlener 2014-cü ildən vitse-kansler vəzifəsini tutur. Eyni ildə partiyaya rəhbər seçilib. O, 2008-ci ildən iqtisadiyyat nazirliyinə də rəhbərlik edir.
Mitterlenerin partiya sədrliyindən gedəcəyi barədə şayələr 6 ay əvvəldən başlamışdı. Partiyaya 2018-ci ildə keçiriləcək parlament seçkiləri üçün yeni impuls verməyi hədəfləyən Raynhold istefa vermək niyyətində olduğunu bildirmişdi.
Avstriyanın konservativ xalq partiyası 1945-ci ilin 17 aprel tarixində qurulub və sosial demokratlarla birlikdə respublikanın əsas siyasi gücünü təşkil edir.
Hikmət
Ölkə.Az
