Dünya şöhrətli aktyor vəfat etdi
Dünyada tanınan və çox insan tərəfindən sevilən amerikalı aktyor Maykl Parks vəfat edib.
“Ölkə.Az” xəbər verir ki, bu barədə “The Hollywood Reporter” məlumat yayıb. Yayılan məlumata görə, aktyor 77 yaşında dünyasını dəyişib.
aktyor Maykl Parks Kventin Tarantino, Robert Rodriqez və Kevin Smit kimi rejissorlarla birlikdə işləyib. O, bir çox sevilən filmlərdə baş rolda çəkilib.
Qeyd edək ki, M. Parks 1940-cı ildə Kaliforniyada doğulub. Karyerasına 17 yaşında “Makkoy ailəsi” adlı serila çəkilməklə başlayıb. 1957-ci ildə çəkildiyi serialdan sonra ona filmlərdə çəkilmək üçün çox təkliflər gəlib. Ümumilikdə 130 filmə çəkilən aktyor “Tvin Piks” filmində Jan Reno obrazı, “Kill Bill”də isə Erl MakQrou obrazı ilə daha çox məşhurdur. Sonuncu dəfə 2014-cü ildə “Tusk” filmində çəkilib.
Ziya Səccad
Ölkə.Az
