Ermənistanda bir gündə 2 nəfər özünü öldürdü

“Ölkə.Az” xəbər verir ki, bir gündə 2 nəfər özünü öldürüb.

Hadisələrdən biri İrəvanın Şenqavit rayonunda qeydə alınıb. Ermənistan vaxtı ilə saat 12:00-da hüquq-mühafizə orqanlarına mənzillərin birində qadın meyiti aşkarlanması barədə məlumat daxil olub. Hadisə yerinə gedən polisn araşdırmaları nəticəsində aşkarlanan meyitin 77 yaşlı qadına məxsus olduğu məlum olub.

Qadın ölməmişdən əvvəl məktub yazıb. Məktubda deyilir: “Mənim bu addımımda heç kimin günahı yoxdur”.

Qonşuları bildiriblər ki, qadın bir neçə dəfə özünü öldürmək istəyirmiş. Hər dəfə də, ona qohum və qonşular mane olublar.

Digər hadisə isə İrəvanın Malatiya-Sebastiya rayonunda qeydə alınıb. Rayonun Svaçyan küçəsində yerləşən binadakı mənzillərdən birində 1983-cü il təvəllüdlü şəxs asılmış halda tapılıb.

Məlumat daxil olan kimi hadisə yerinə hüquq-mühafizə orqanlarının əməkdaşları baxış keçiriblər. Baxış zamanı meyitin üzərində zorakılıq halı müşahidə edilməyib. Məsələ ilə bağlı məhkəmə-tibbi ekspertiza təyin olunub.

Qeyd edək ki, son vaxtlar Ermənistanda ölüm halları və intiharların sayları çoxalıb. Dünən də İrəvanda mənzillərdən birində ata və oğuliun meyiti asılmış halda aşkar olunub.

Ziya Səccad
Ölkə.Az