Azərbaycanlı milyader keçmiş arvadına yarım milyon verməkdən imtina etdi
“Ölkə.Az” xəbər verir ki, Fərhad Əhmədov bildirib ki, London məhkəməsinin qərarını tanımır. 61 yaşlı biznesmen "RBK"ya açıqlamasında məhkəmənin hökmünə əməl etmək niyyətində olmadığını bildirib.
“Məhkəmənin qərarının mənim üçün tualet kağızı qədər qiyməti yoxdur”, - deyə F. Əhmədov bildirib.
Biznesmen bildirib ki, Avropa məhkəmələri ədalətə deyil, qadınlara xidmət edir:
"Britaniya məhkəmələri həmişə varlı kişilərin arvadlarının tərəfindədir. Məqsəd isə o kişilərin eks-həyat yoldaşlarının əldə etdikləri pulu İngiltərəyə, ölkə iqtisadiyyatına xərclətməkdir. Müvafiq hökm yalnız Britaniya ərazisində tətbiq edilir ki, ora ilə də mənim uzun zamandır ki, əlaqəm yoxdur. Mən İngiltərə vətəndaşı deyiləm",- deyə F. Əhmədov vurğulayıb.
Xatırladaq ki, London məhkəməsinin qərarına görə, milyader keçmiş həyat yoldaşına 453 milyon funt sterlinq (təxminən 584 milyon dollara yaxın) pul ödəməlidir. Xarici mətbuatın yazdığına görə, Britaniya tarixində boşanma prosesində bu pul ödənilmiş ən böyük məbləğdir.
Böyük Britaniya məhkəməsi proses iştirakçılarının adlarının açıqlanmağını qadağan edib. Buna baxmayaraq, hakim bildirib ki, söhbət Qafqazda doğulan 61 yaşlı neft maqnatı və onun Şərqi Avropadan olan 41 yaşlı keçmiş həyat yoldaşından gedir. Hakimin sözlərinə görə, cütlük Moskvada ailə quraraq Surrey qraflığına köçüb.
Məhkəmədə çıxış edən keçmiş ər bildirib ki, ailə quran zaman külli miqdarda vəsait xərcləyib. Biznesmen vurğulayıb ki, Rusiya şirkətlərindən birinə 1,3 milyard dollarlıq səhmini satandan sonra oğullarına Londonda 2 gözəl mənzil alıb. Hakim isə bu məsələnin ailəvi problme olduğunu və hadisənin cütlüyün birgə yaşadığı vaxt olmasını, eyni zamanda ər-arvadın mülk məsələsində eyni haqqa sahib olduğunu düşünərək biznesmenin arqumentlərini qəbul etməyib.
Hakim biznesmenin kimliyini açıqlamasa da, “RTVi” Agentliyinin yazdıqlarına görə, söhbət əslən azərbaycanlı biznesmen Fərhad Əhmədovdan gedir.
Qeyd edək ki, Fərhad Əhmədov bu il “Rusiyanın ən varlı 200 biznesmeni” siyahısında 67-ci yerdə qərarlaşıb.
Ziya Səccad
Ölkə.Az
