Sərdar Denktaş reanimasiyaya yerləşdirildi
Şimali Kipr Türk Cümhuriyyəti baş nazirinin müavini, maliyyə naziri Sərdar Denktaşın səhhəti qəflətən pisləşib.
“Ölkə.Az” xəbər verir ki, nazirin sinəsində şiddətli ağrılar yaranıb və nəfəs alması çətinləşib. Təcili yarıdm həkiminə müraciət edən nazir ilkin yoxlamadan sonra dərhal xəstəxanaa aparılıb. Müayinədən sonra naziri reanimasiyaya yerləşdiriblər.
Müayinədə nazirin qan təzyiqinin yüksək olduğu və ürəyinin zəif işlədiyi məlum olub. Onda başqa xəstəlik aşkar edilməyib. Həkimlər də, Sərdar Denktaşın müalicəsini bu istiqamətdə aparacaqlar.
Xəstəxanada qaldığı müddətdə yaxın qohumlarından başqa, Sərdar Denktaşın yanına kənar şəxslər buraxılmayacaq.
Ziya Səccad
Ölkə.Az
