Nuranə Əliyeva: Qazandığım bürünc medalı anama həsr edirəm
Mən qazandığım bürünc medalı anama həsr edirəm.
Ölkə.Az-ın Trend-ə istinadən məlumatına görə, bunu jurnalistlərə IV İslam Həmrəyliyi Oyunları çərçivəsində bürünc medal qazanmış azərbaycanlı karateçi Nuranə Əliyeva deyib.
O deyib: “Bu gün anamın ad günüdür, ona görə də medalımı anama həsr edirəm”.
Bugünkü qarşılaşmasından danışan N.Əliyeva qeyd edib ki, döyüş çətin keçib.
O, həmçinin əlavə edib ki, indoneziyalı idmançı ilə görüş revanş xarakteri daşıyıb. Belə ki, III İslam Həmrəyliyi Oyunlarında ona məğlub olmuşdu.
Qeyd edək ki, bu gün açılışı olacaq Bakı-2017 İslam Həmrəyliyi Oyunları mayın 22-dək davam edəcək. Yarışlar Azərbaycan paytaxtının 16 idman obyektində 21 idman növü üzrə keçirilir.
