İlham Əliyev Mədət Quliyevi mükafatlandırdı

Dövlət başçısı müvafiq sərəncam imzalayıb.

Prezident İlham Əliyev Azərbaycan Respublikası Ədliyyə Nazirinin müavini, Penitensiar Xidmətin rəisi, ədliyyə general-leytenantı Mədət Quliyevi təltif edib.

Ölkə.Az-ın Penitensiar Xidmətin saytına istinadən verdiyi məlumata görə, dövlət başçısı Azərbaycan Respublikası ədliyyə orqanları işçilərinin təltif edilməsi haqqında Azərbaycan Respublikası Prezidentinin sərəncam imzalayıb.

Azərbaycan Respublikası Konstitusiyasının 109-cu maddəsinin 23-cü bəndini rəhbər tutaraq qərara alıram:

Ədliyyə orqanlarında qulluq keçərkən fərqləndiklərinə, ədliyyə sistemində elm, səhiyyə sahələrinin inkişaf etdirilməsində fəal iştirak etdiklərinə görə aşağıdakı şəxslər təltif edilsinlər:

3-cü dərəcəli “Vətənə xidmətə görə” ordeni ilə:

Quliyev Mədət Qəzənfər oğlu

“Tərəqqi” medalı ilə:

Məmmədova Zemfira Bəylər qızı
Tahirli Rasim Bəkir oğlu

“Dövlət qulluğunda fərqlənməyə görə” medalı ilə:

Əhmədova Ülviyyə Mahmud qızı
Əliyev Niyaməddin Cabbar oğlu
Hacıyev Rəşad Yavər oğlu
Həsənov Fərhad Fərrux oğlu
Hüseynov Nizami Əli oğlu
Xəlilov Qədir Rövşən oğlu
Salmanova Səbinə Qədir qızı.

Qeyd edək ki, Azərbaycan Respublikası Prezidentinin 26 dekabr 1995-ci il tarixli fərmanı ilə polis polkovniki Quliyev Mədət Qəzənfər oğluna Azərbaycanın Milli Qəhrəmanı fəxri adı verilib.

Ölkə.Az