Brilyant Dadaşovaya çılpaq şəkillərini göndərən gənc həbs olundu

“Sözügedən şəxs WhatsApp vasitəsilə şəxsi nömrəmə əxlaqsız fotolar göndərib”.

Azərbaycanlı gənc xalq artisti Brilyant Dadaşovaya çılpaq şəkillərini göndərdiyi üçün həbs olunub.

Ölkə.Az oxu.az-a istinadən məsələ ilə əlaqədar xalq artistinin mövqeyini təqdim edir:

“Mənim telefonumda WhatsApp və sosial şəbəkələrdəki akkauntlarıma digər köməkçilərim nəzarət edir. Sözügedən şəxs WhatsApp vasitəsilə şəxsi nömrəmə əxlaqsız fotolar göndərib. Telefonum isə köməkçimdə olduğundan o bunları vəkilimə göstərib. Nəticədə, Sumqayıt Məhkəməsi həmin gəncə 15 sutka cəza kəsib. Bu gün mən o insanın kimliyini açıqlamaq niyyətində deyiləm. Çünki o şəxs qanun qarşısında öz cəzasını alıb və gənc olduğundan ictimai qınaq hədəfi olmasını istəmirəm. Ümid edirəm ki, olanlardan nəticə çıxarıb bir də belə səhvlərə yol verməz”.

Qeyd edək ki, bir müddət öncə xalq artistinin telefonuna gənc oğlan öz çılpaq fotolarını göndərib. Bunun nəticəsi olaraq müğənninin vəkilinin şikayəti ilə Sumqayıt Məhkəməsində gəncə 15 sutka cəza kəsilib.

Ölkə.Az