Abxaziya ilə Rusiyanın ümumi müdafiə məkanı olacaq

Rusiya Abxaziya ilə ümumi müdafiə məkanı formalaşdıracaq.

Ölkə.Az Rosbalt agentliyinə istinadən xəbər verir ki, Rusiya hökuməti Abxaziya ilə müttəfiqlik və strateji əməkdaşlıq haqqında müqaviləni təsdiq edərək Rusiya Federasiyasının prezidentinə təqdim ediblər.

Hökumətin rəsmi saytında qeyd olunur ki, müqavilədə müdafiə və təhlükəsizliyə dair ortaq məkanın yaradılması və mütəşəkkil cinayətkarlıqla mübarizə əks olunub. Müqavilənin 10 il ərzində qüvvədə olması və sonradan 5 ildən bir uzadılması nəzərdə tutulub.

Eyni müqavilənin bundan sonrakı mərhələdə eyni müqavilə Osetiya ilə də bağlanacağı bildirilir.

Rəşid Mustafazadə

Ölkə.Az