İraq ordusu Mosulun bir rayonunu da İŞİD-dən təmizlədi

İraqın Mosul şəhərində İŞİD terrorçularına qarşı əməliyyatlar davam edir.

“Ölkə.Az” xəbər verir ki, İraq ordusu və Beynəlxaql Koalisiya qüvvələrinn keçirdiyi əməliyyat nəticəsində Mosulun bir rayonu da İŞİD terrorçularından azad edilib.

Keçirilən əməliyyat nəticəsində İŞİD terrorçularının bazası olan Əl-Muayrid rayonu terrorçulardan azad edilib. Əməliyyata cavabdeh olan general-leytenant Abdel Amir Yaralla jurnalistlərə açıqlamasında bildirib ki, əməliyyat zamanı terrorçuların çoxsaylı canlı qüvvəsi və hərbi texnikaları məhv edilib. İŞİD terrorçularının məşkunlaşdığı hərbi baza dağıdılıb.

Qeyd edək ki, 2016-cı ilin oktyabr ayından Mosulda İraq ordusu və ABŞ hərbçilərinin birgə təşkil etdiyi koalisiya qüvvələri əməliyyatlara başlayıb. Əməliyyatlar nəticəsində İraqda bir çox ərazi İŞİD terrorçularından təmizlənib. Bu ilin mart ayından başlayaraq Mosul şəhəri mühasirəyə alınıb.

Hazırda Mosulun qərbində İŞİD terrorçuları 300 minə yaxın dinc əhalini nəzarətdə saxlayır. Terrorçular insanlara imkan vermirlər ki, şəhəri tərk etsinlər. Gizlincə şəhərdən qaçmaq istəyənlər isə öldürülür.

Ziya Səccad
Ölkə.Az