Əli Hüseynli: “Bu qərar Rusiya-Azərbaycan münasibətlərinə ciddi ziyan vurur”
“Rusiya Federasiyası Ali Məhkəməsi tərəfindən Ümumrusiya Azərbaycanlıları Konqresinin (ÜAK) qeydiyyatının ləğv edilməsi qərarı anlaşılan deyil”.
“Ölkə.Az”-ın məlumatına görə, bunu Milli Məclisin bu gün keçirilən plenar iclasında çıxışı zamanı Parlamentin Hüquq siyasəti və dövlət quruculuğu komitəsinin sədri Əli Hüseynli bildirib.
Ə.Hüseynli deyib ki, son illər Azərbaycanla Rusiya arasında starteji əməkdaşlıq yüksək səviyyədə olub:
“Rusiya tərəfi bilməlidir ki, Ali məhkəmin qəbul etdiyi bu qərar Rusiya-Azərbaycan münasibətlərinə ciddi ziyan vurur. Ümid edirik ki, növbəti mərhələdə bu qərara düzəliş olacaq”.
Zaur Əziz
Ölkə.Az
