ABŞ Talibana hücum etdi: 5 ölü

5 adamın öldürüldüyü ifadə edilib.

Ölkə.Az xəbər verir ki, Şimali Vəziristanda ABŞ-a aid pilotsuz hava vasitəsi tərəfindən təşkil edilən hücumda Taliban üzvü olduqları təxmin edilən 5 adam ölüb.

Hərbçilərdən alınan məlumata görə, Datta Hel bölgəsində ABŞ-ın pilotsuz hava vasitəsindən atılan iki mərmi bir evi tamamilə məhv edib. Hücum nəticəsində Taliban təşkilatının üzvü olduqları təxmin edilən 5 adamın öldürüldüyü ifadə edilib.

Beynəlxalq araşdırmalara əsasən, Pakistanda 2004-dən bəri pilotsuz hava vasitəsiylə təşkil edilən hücumlarında çoxu mülki şəxslər olmaqla 3 min 400-dən çox adam həyatını itirib.

Rəşid Mustafazadə

Ölkə.Az