Ağ Ev yeni mətbuat katibi təyin edəcək
Ötən həftə ABŞ prezidenti Donald Tramp FTB direktoru Ceyms Komini işdən qovmuşdu.
"Ölkə.Az" xəbər verir ki, yeni iddiaya əsasən Tramp indi də Ağ Evin mətbuat katibi Şon Spayseri vəzifəsindən uzaqlaşdıracaq. Tramp keçmiş "Victoria Secret" modeli Kimberli Cuilfoylu Ağ Evə mətbuat katibi təyin etməyə hazırlaşır. Kimberli son dövrlər "Fox News" kanalında aparıcılıq edir.
Mövzu ilə bağlı Kimberli deyib: "Bunun mənim üçün əla iş olduğunu düşünürəm. Bu iş çətin bir əzm tələb edir. Vətənini sevən bir şəxs kimi ölkəmə xidmət etməkdən qürur duyaram. Prezidentlə münasibətlərim yaxşıdır. Açıq, səmimi və həqiqi münasibətlərdən xoşum gəlir. Güvən və bütövlük inşa edir. Bu da mətbuat katibi mövqeyində uğurlu olmaq üçün zəruridir".
Hikmət
Ölkə.Az
