"WikiLeaks"ə məlumat ötürən əsgər azadlığa çıxdı

"Ölkə.Az" xəbər verir ki, cinsiyyətini dəyişənə qədər Bredli adını daşıyan Çelsi eks-prezident Barak Obamanın fərmanına əsasən artıq azadlığına qovuşub.

Məhkəmənin hökmü ilə Çelsi dövlət əhəmiyyətli məlumatları oğurlamaq və casusluq etmək ittihamı ilə 35 il müddətinə azadlıqdan məhrum edilmişdi. O, cəzasını Kanzas həbsxanalarının birində çəkməli idi. Amma yanvar ayında hökm yumşaldılıb.

Verilən xəbərə görə, Menninq Kanzasdan Merilendə yola düşüb. Onun tərəfdarları 135 min dollar pul toplayıblar. Menninq bu vəsait ilə özünə yeni həyat quracaq.

Sonradan adını və cinsiyyətini dəyişən Bredli Meninq 2010-cu ildə "WikiLeaks"ə məlumat ötürdüyü üçün həbs edilmişdi. O, ABŞ ordusunun Əfqanısan və İraqdakı hərbçilər haqqında gizli məlumatları Cullian Assanca ötürmüşdü.

Bredli eks-prezident Barak Obamanın son sərəncamlarından birinə əsasən əfv olunub.

Hikmət
Ölkə.Az