Meksikada maraqlı qarət
Meksikada bir qrup polis əməkdaşı qarət olunub.
“Ölkə.Az” xəbər verir ki, bu barədə “Universal” qəzeti məlumat yayıb. Yayılan məlumata görə, 3 silahlı şəxs Akapulkodan Mexikoya gedən 20 polis əməkdaşını qarət edib.
Meksikanın təhlükəsizlik xidmətinin əməkdaşları olan polislər turist avtobusunda paytaxt Mexikoya gedirmişlər. Qəfil avtobus yolda xarab olub. Bu zaman silahlı şəxslər avtobusa hücum ediblər. Avtobusda olan polis əməkdaşları silahsız olublar. Soyğunçular bu məqamdan istifadə edərək polislərə silahla hədə qorxu gəlib, onların saat, mobil telefon, pul və digər əşyalarını oğurlayıblar.
Hadisə zamanı xəsarət alan olmayıb.
Meksikanın təhlükəsizlik xidməti tərəfindən araşdırmalara başlanılıb.
Ziya Səccad
Ölkə.Az
