Bakı-Qazax yolunda dəhşətli qəza

“Hundai” markalı 90-LD-773 dövlət nömrə nişanlı minik avtomobilinin yolun kənarına aşması nəticəsində ölənlərdən birinin adı məlum olub.

"Ölkə.Az" Report-a istinadən xəbər verir ki, həmin şəxs avtomobilin sürücüsü 1998-ci il təvəllüdlü Əmraslanlı Amraslan Müşfiq oğludur.

Digərlərinin şəxsiyyəti müəyyənləşdirilir.

Qəza nəticəsində ölənlərin meyitləri Şirvan şəhər məhkəmə tibbi-ekspertizasına aparılıb.

Onların İmişli rayon sakinləri olduğu bildirilir. Ölənlərin hamısı tələbədir.

***

"Ölkə.Az" "Report"un məlumatına istinadən xəbər verir ki, hadisə saat 15:00 radələrində Bakı-Qazax magistral yolunun Kürdəmir rayonu ərazisindən keçən hissəsində baş verib. Avtomobilin idarəetmədən çıxaraq yol kənarına aşması nəticəsində ilkin məlumatlara görə, 5 nəfər ölüb.

Faktla bağlı Baş Dövlət Yol Polisi İdarəsinin əməkdaşları tərəfindən araşdırma aparılır.