ABŞ Səudiyyə Ərəbistanına anti-ballistik raketlər satır

“Ölkə.Az” xəbər verir ki, bu barədə ABŞ Dövlət Departamentindən məlumat verilib. Verilən məlumata görə, mayın 20-də ABŞ və Səudiyyə Ərəbistanı arasında hərbi silah və sursat ticarəti barədə razılaşma imzalanıb.

“İmzalanmış sənədə görə, ABŞ Səudiyyə Ərəbistanına 110 milyard dollar məbləğində silah satacaq. Razılaşmaya görə, gələcək on il ərzində ərəblər Amerikadan 350 milyard dollar dəyərində silah və hərbi texnika alacaqlar”, - deyə məlumatda bildirilib.

Rəsmi Vaşinqtonun verdiyi məlumata görə, satılacaq silahlar arasında THAAD anti-ballistik raketləri və “Patriot” anti-raket sistemi də var. Bundan başqa, satılacaq silahlar arasında müasit tipli tanklar, radar əleyhinə qurğular, piyadalar üçün zirehli texnika, vertalyor və s. var.

Razılaşmalara görə, Amerika Səudiyyə Ərəbistanına silah satmaqdan əlavə, onların ordusu üçün hərbi xidmətlər də göstərəcək.

Ziya Səccad
Ölkə.Az