Azərbaycanda ağır qəza: sürücü öldü, iki uşaq yaralandı
İmişlidə bir nəfərin ölümü ilə nəticələnən yol qəzası baş verib.
Ölkə.Az APA-ya istinadən xəbər verir ki, hadisə İmişli rayon mərkəzində baş verib. Kəlbəcər rayon sakini 1963-cü il təvəllüdlü Məmmədov Zakir Məhəmməd oğlunun idarə etdiyi "VAZ- 2106" markalı avtomobil idarəetməni itirərək maneəyə çırpılıb.
Nəticədə sürücü ölüb, iki azyaşlı uşaq xəsarət alıb. Yaralılar Rayon Mərkəzi Xəstəxanasına yerləşdiriliblər. Faktla bağlı araşdırma aparılır.