Yəməndə Səudiyyə Ərəbistanına məxsus qırıcı vuruldu

“Ölkə.Az” xəbər verir ki, bu barədə “Al Mayaden” telekanalı məkumat verib. Məlumata əsasən, hadisə ölkənin şimalında Saada vilayətində baş verib.

Silahlılar Səudiyyə Ərəbistanına məxsus ABŞ istehsalı olan “F-16” qırıcısını vurublar. Nəticədə qırıcı Səudiyyə Ərəbistanı ərazisinə düşdüyü bildirilib. Məhv edilən təyyarənin pilotu və ekipaj üzvləri barədə məlumat verilməyib.

Qeyd edək ki, 2014-cü ildən bu günə qədər Yəməndə üsyançı husilər, sabiq prezident Əli Abdulla Salehi dəstəkləyən ordu qüvvələri və Səudiyyə Ərəbistanının rəhbərlik etdiyi koalisiyanın dəstəklədiyi hazırkı prezident Abd Rabbu Mənsur Hadiyə tabe olan qoşunlar arasında silahlı münaqişə gedir. Səudiyyə Ərəbistanın rəhbərliyi altında ərəb koalisiyası 2015-ci ildən Yəməndə üsyançı husilərin nəzarəti altında olan ərazilərə hava zərbələri endirir.

Yəməndə 3 il ərzində baş verən vətəndaş müharibəsi nəticəsində yüzlərlə insan ölüb, minlərlə insan yaralanıb. Onlarla ailə tamam məhv edilib.

Ziya Səccad
Ölkə.Az