Arvadını balta ilə öldürdü
Quba rayonunda kişi qadını dəhşətli şəkildə qətlə yetirib.
Ölkə.Az "Sputnik Azərbaycan"a istinadən xəbər verir ki, rayonun Güləzi kəndində yaşayan Murad Ələsgərov evində həyat yoldaşı Ulduz Ələsgərovaya 5 dəfə balta ilə zərbə endirib. Qonşular səsi eşidərək hadisə yerinə gəlib qadını xilas etmək istəsələr də bu, mümkün olmayıb. Ulduz Ələsgərova aldığı zərbələrdən keçinib.
Ələsgərov könüllü olaraq Quba RPŞ-yə gələrək istintaqa təslim olub. Qətlin səbəbi isə qısqanclıq zəminində münaqişədir.
Hal-hazırda Quba Rayon polis şöbəsində istintaq davam edir.
