Türkiyədən ABŞ-a ŞOK İTTİHAMLAR
“Ölkə.Az” xəbər verir ki, bu sözləri Türkiyənin Vaşinqtondakı səfiri Sərdar Kılıç deyib. Onun sözlərinə görə, bu addımla Amerika bilərəkdən, yaxud bilməyərəkdən terrorçulara dəstək olur.
Amerika-Türkiyə münasibətləri üzrə konfransda çıxış edən səfir vurğulayıb ki, bu qərar iki ölkə arasında münasibətlərə xələl gətirəcək.
"Siz, bir terror təşkilatını digər terror təşkilatına qarşı mübarizədə istifadə edə bilməzsiniz. Siz bunu etməməlisiniz. Bu addım ABŞ və Türkiyə münasibətlərini korlayacaq. ABŞ və Türkiyənin tərəfdaşlığı seçim məsələsi deyil, zərurətdir. Bunu başa düşmək lazımdır”, - deyə Sərdar Kılıç bildirib.
Səfir Türkiyənin İŞİD-ə qarşı uğurlu əməliyyatlar apardığını xatırladıb:
“Türkiyə Suriyada apardığı döyüşlərdə üç mindən çox İŞİD terrorçusunu məhv edib. "Azad Suriya Ordusu" və Türkiyə hərbçilərinn apardığı uğurlu döyüşlər nəticəsində Suriyada bir çox ərazilrə terrorçulardan təmizlənib və 60 mindən çox suriyalı qaçqın yurduna qayıdıb”.
Qeyd edək ki, Ərdoğan ötən həftə Vaşinqtonda səfərdə olub. Səfər zamanı Ərdoğan Donald Trampla görüşüb. Görüş zamanı Suriyada, əsasən də, Rakka əməliyyatlarında YPG kürd qruplaşmasının iştirak məsələsi də müzakirə olunub.
Müzakirələrə baxmayaraq, Amerika tərəfi Rakka döyüşlərində YPG kürd qruplaşması ilə əməkdaşlıq etmək niyyətlərindən əl çəkməyiblər. Bundan sonra Ərdoğan Türkiyə Silahlı Qüvvələri Suriyanın Rakka şəhərində keçirilən əməliyyatlarda iştirak etməyəcəkləri barədə qərar verib.
“Biz Vaşinqton səfəri zamanı Rakka əməliyyatları barədə müzakirələr apardıq. Müzakirələr zamanı aydın oldu ki, ABŞ Rakka əməliyyatlarına çox həssaslıqla yanaşır. Görüş zamanı da aydın şəkildə bildirdik ki, əgər Rakka əməliyyatlarında kürd silahlıları da iştirak edəcəksə, o zaman biz həmin əməliyyatlara qatılmayacağıq. Əgər ABŞ Rakka əməliyyatlarında YPG təşkilatının iştirakını daha vacib bildisə, onlara uğurlar arzulayıram”, - deyə Ərdoğan bildirib.
Ziya Səccad
Ölkə.Az
