Səhər qəhvəaltısı etməyənlərin nəzərinə

"Ölkə.Az" bu gün oxucularına səhər qəhvəaltısı etməməyin ziyanlarını və etməyin faydalarını təqdim edir.

Cənubi Koreyalı alimlər bu məsələ ilə bağlı araşdırma aparıblar. Məlum olub ki, ac qalan orqanizm stres hormonlarını daha sürətli ifraz edir.

Həftədə beş dəfə səhər qəhvəaltısı etməyən insanlarda depresiya daha dərin olur. 200 min nəfər üzərində aparılan tədqiqata görə qəhvəaltı etməyən insanlarda stres hormonları ilə yanaşı adrenalin və kortizol da ifraz edilir. Bu vəziyyət yaşla əlaqəli olaraq depresiyaya səbəb ola bilər. Tədqiqatçı qrupun rəhbəri Sanq Ah Li deyib: "Depresiyanın qarşısını almaq üçün səhər qəhvəaltısı etmək lazımdır".

Orqanizm bir neçə qida qəbul etmədiyi üçün metabolik sürəti azaldır və enerji qorumaq üçün daha az kalori yandırır. Səhər qəhvəaltısı isə metabolizmanı oyandırır, orqanizmi hərəkətə gətirir və arıqlamaq üçün lazım olan kalorini yandırır.

Tədqiqata görə səhər qəhvəaltısı edən insanların arıqlamaq və çəkini qorumaq şansı daha yüksəkdir. Səhər yemək yeməyənlər günorta çox acıdığı üçün normadan artıq yemək yeyir.

Tədqiqat nəticələrinə əsasən qəhvəaltı edən insanlar daha diqqətli olur və imtahanlarda daha çox uğur qazanırlar. Səhər qəhvəaltısı yaddaşı gücləndirir. Ac insan isə çətin tapşırıqla qarşılaşanda diqqətsiz və əsəbi olur. Yaşlı insanlar kimi uşaqların da qəhvəaltıya ehtiyacı var.

Sağlam bir səhər yeməyi ilə günə başlamaq günorta yeməyinə hazırlıq deməkdir. Qəhvəaltı seçəndə diqqətli olmaq günorta yeməyində daha məntiqli qida seçmək üçün şərait yaradır.

Səhər qəhvəaltısında şirin çörək yeməyin. Bu bir neçə saat sonra qanda şəkərin miqdarının azalmasına səbəb olur.

Hikmət
Ölkə.Az