Bakıya yeni gətirilən 200-ə yaxın dərmanın qiyməti müəyyən edildi
Dərman vasitələrinin qiymətlərinin tənzimlənməsi prosesinin davamı olaraq yeni qeydiyyatdan keçmiş 200-ə yaxın dərman vasitəsinin qiyməti təsdiq edilib.
Tarif (qiymət) Şurasının Katibliyindən Ölkə.Az-a verilən məlumata görə, qərar 2017-ci ilin 23 may tarixində Tarif (qiymət) Şurasının növbəti iclası zamanı qəbul edilib.
Qərara görə, ümumilikdə, ticarət adı, təsiredici maddəsinin adı, dozası, farmasevtik forması, ticarət qablaşdırması, qablaşdırma miqdarı, istehsal ölkəsi nəzərə alınmaqla indiyədək topdan və pərakəndə satış qiymətləri və qüvvəyə minmə tarixi təsdiq edilən 10361 dərman vasitəsinin tam siyahısı Şuranın rəsmi internet saytının (www.tariff.gov.az) “Dərman vasitələri” bölməsində (//tariff.gov.az/documents/DVA.pdf) yerləşdirilib.
Qərarlar ilə saytın “Şuranın qərarları” bölməsində tanış olmaq olar.
Ziya Səccad
Ölkə.Az
