14 yaşlı qıza göz dikən seksual manyaklara ağır cəza
Ölkə.Az-ın Lent.az-a istinadən verdiyi məlumata görə, Bakı Ağır Cinayətlər Məhkəməsində hakim Eynulla Vəliyevin sədrliyi ilə keçirilən prosesdə hökm oxunub.
Hakimlər kollegiyasının hökmünə əsasən, təqsirləndirilən şəxslərə sanksiyada olan ən ağır cəza - 15 il müddətinə azadlıqdan məhrum etmə cəzası verilib.
Qeyd edək ki, hadisə Sabunçu rayonu Zabrat qəsəbəsində Neft Mədənləri adlanan yerə yaxın yaşayış binasında baş verib. Nəcməddin İmanov və Rəşad Cəfərov həmin binada yaşayan 14 yaşlı Nigarı (ad şərtidir) bloka salaraq seksual xarakterli hərəkətlər ediblər. Məsələdən xəbərdar olan valideynlər polisə şikayət ediblər. Valideynlərin şikayəti əsasında hər iki şəxs müəyyən edilərək həbs edilib.
Onlara Cinayət Məcəlləsinin 150.3.3-cü (seksual xarakterli hərəkətlər, təqsirkar şəxs üçün aşkar surətdə on dörd yaşına çatmayan şəxs barəsində törədildikdə) ilə bağlı ittiham verilib.