İŞİD-ə növbəti ağır zərbə

İraqın Ənbar vilayətində İŞİD-ə ağır zərbə vurulub.

Əl-Cəzirə və Əl-Badiyə əməliyyatlarına cavabdeh olan İraq ordusu generalı Ziya Kazım açıqlamasında Ənbar vilayətinə bağlı Hit rayonunda İŞİD qruplaşmasına qarşı keçirilən əməliyyatda terrorçulardan 30 nəfərin öldürüldüyünü, 20-dən çoxunun isə yaralandığını bildirib. 

Beynəlxalq koalisiyanın İŞİD-ə qarşı keçirdiyi əməliyyatlarda Hit rayonu məclis sədrinin də evi daxil olmaqla, bir sıra evlər yararsız hala gətirilib. 

Bundan başqa, əməliyyatlarda 2 uşaq da daxil olmaqla, 5 nəfər mülki şəxs dünyasını dəyişib, 10-u yaralanıb. 

Əməliyyatlar zamanı terrorçu qruplaşmanın döyüş texnikaları, zirehli maşınları İraq ordusu tərəfindən ələ keçirilib. (anspress)

Ölkə.Az