“Moody's” Maliyyə Nazirliyinə etibar edir
“Moody's” beynəlxalq reytinq agentliyi Azərbaycanın Maliyyə Nazirliyi tərəfindən təqdim olunan məlumatlarla bağlı rəsmi açıqlama yayıb.
Ölkə.Az-ın xəbərinə görə, agentliyin müvafiq açıqlaması Maliyyə Nazirliyinin rəsmi saytında yerləşdirilib.
Açıqlamada qeyd olunur ki, bu gün Azərbaycanın bir sıra kütləvi informasiya vasitələrində “Moody's” agentliyi adından dərc olunan məlumatlar həqiqəti əks etdirmir, aldadıcı və təhrifedicidir.
““Moody's” agentliyinin Azərbaycanın suveren reytinqini qiymətləndirmə altına alması qərarı Maliyyə Nazirliyi tərəfindən təqdim olunan məlumatların etibarlılığının şübhə altına almasından yox, Azərbaycan Beynəlxalq Bankının restrukturizasiyasının dövlət borcunun gözləniləndən daha yüksək artımına səbəb ola biləcəyindən irəli gəlir”, - məlumatda bildirilir.
