Panamanın keçmiş diktatoru dünyasını dəyişdi

"Ölkə.Az" xəbər verir ki, 83 yaşlı diktatorun ölüm xəbərini Panamanın rabitə naziri Manuel Dominik bildirib.

Bir müddət əvvəl beynindən əməliyyat olunan Norieqa beyin qanaması səbəbindən yenidən əməliyyat edilib. Dominik diktatorun ölüm səbəbi haqqında məlumat verməyib.

Panama prezidenti Xuan Karlos Varela Tvitter hesabında: "Norieqanın ölümü ilə tariximizin bir səhifəsi bağlandı" ifadəsini yazıb.

Norieqa 1984-cü ildə Panamanın hərbi lideri olub və 1989-cu ildə ABŞ tərəfindən ölkəsi işğal edilənə qədər 6 il iqtidarda qalıb. ABŞ-a verdiyi dəstəyi ilə tanınan Norieqa Mərkəzi Amerikada kommunizmin yayılmasının qarşısını almağa çalışan Vaşinqton hökumətinin önəmli ortaqlarından biri olub.

ABŞ isə xalqa təzyiqini artıran, narkotik maddə qaçaqmalçılığı ilə məşğul olan Norieqanı iqtidardan endirmək üçün 1989-cu ildə Panamanı işğal edib. ABŞ-ın işğalı əsnasında paytaxtdakı Vatikan səfirliyinə sığınan diktator 1990-cı ilin 3 yanvar tarixində təslim olub. ABŞ-da mühakimə edilən Norieqa 17 il həbsxana həyatı da yaşayıb. Norieqa kokain ticarətindən əldə etdiyi pulu Fransadakı banklar vasitəsilə "yuduğu" üçün 2010-cu ildə Fransaya ekstradisiya edilib və 7 il həbsə məhkum edilib.

Fransa isə 2011-ci ildə diktatoru Panamaya ekstradisiya edib. Norieqa bu dəfə də iqtidarda olduğu dövrdə siyasi rəqiblərini öldürdüyü üçün 3 dəfə 20 illik həbsə məhkum edilir. Həbsdə iflic keçirən və beyin xərçəngi diaqnozu ilə xəstəxanaya yerləşdirilib. Əməliyyatdan sonra isə sərbəst buraxılmışdı.

Hikmət
Ölkə.Az