Formula 1-də iştirak edəcək komandaların Bakıya gəlmə vaxtı bilindi
2017 Formula 1 Azərbaycan Qran Prisində iştirak edəcək komandalar iyunun 19-dan etibarən Bakıya gələcəklər.
"Ölkə.Az" Trend-ə istinadən xəbər verir ki, bunu jurnalistlərə Bakı Şəhər Halqasının Marketinq və kommunikasiya şöbəsinin rəhbəri Nigar Arpadarai deyib.
O bildirib ki, iyunun 21-də artıq Formula 1 pilotları, xarici mətbuat nümayəndələri, avtomobil federasiyaları və Formula 1 rəhbərliyinin hamısı Bakıda olacaq.
N.Arpadarai əlavə edib ki, iyunun 23-dən etibarən pilotların əsas praktikası başlayır, daha sonra yarışlara start veriləcək. Yarışlar iyunun 25-də başa çatacaq.
