Litva Rusiya ilə sərhədə hasar çəkir
Litva gələn həftədən Rusiya ilə sərhədə divar inşa edəcək.
"Ölkə.Az" xəbər verir ki, keçirilən tenderdə qalib gələn şirkət bildirib ki, Litva istehsalı olan hasar quraşdırılacaq.
46.6 km-lik dövlət sərhədində inşa ediləcək hasar 1.3 milyon avroya başa gələcək. Müqaviləyə uyğun olaraq şirkət qısa müddətə tikintiyə başlamalıdır. Tikinti işləri bu ilin dekabr ayına qədər başa çatmalıdır. Litvanın Rusiya ilə ümumi 109 km sərhədi var. Amma onun bir hissəsi Nemandan keçir. Bu səbəbdən ancaq quru sərhədinə hasar inşa ediləcək.
Hikmət
Ölkə.Az
