Mariya Zaxarova: “Niderland hökuməti xalqı barmağına dolayır”

“Ölkə.Az” xəbər verir ki, bu barədə Rusiya Xarici İşlər Nazirliyinin rəsmi nümayəndəsi Mariya Zaxarova jurnalistlərə açıqlamasında bildirib. Onun sözlərinə görə, Niderland hökuməti bu addımı atmaqla göstərdi ki, xalqı barmağına dolayır.

“Niderland hökuməti xalqı barmağına dolayır. Onlar üçün ölkə əhalisinin rəyi önəmli deyil. Bu hökumət istədiyi vaxt qərarını və mövqeyni dəyişir”, - deyə Mariya Zaxarova bildirib.

Qeyd edək ki, Niderland hökuməti Ukrayna və Avropa İttifaqı (Aİ) arasında Assosiasiya Sazişinin ratifikasiyasını dəstəkləyib. Bu qanunvericilik aktı ilə bağlı səsvermə Haaqada, 75 deputatdan ibarət Senatının plenar iclası çərçivəsində keçirilib. Qanunvericilik aktı kral tərəfindən imzalandıqdan və dövlət jurnalında dərc edildikdən sonra qüvvəyə minəcək. 

Qeyd edək ki, Niderland hökuməti fevralın 23-də Ukrayna və Aİ arasında Assosiasiya Sazişi ilə bağlı hökumət qanununu dəstəkləyib. Niderland sazişi bu günə qədər ratifikasiya etməyən yeganə Aİ ölkəsidir. 2016-cı ilin aprel ayında baş tutan və seçici fəallığının 32,28% təşkil etdiyi referendumda seçicilərin 60%-i Ukrayna ilə Assosiasiya Sazişinə qarşı çıxıb. Referendum tövsiyə xaraketeri daşıyıb.

Ziya Saccad
Ölkə.Az