Elmira Rəhimova illər sonra

"Ölkə.Az"-ın məlumatına görə, aparıcı Nuran Hüseynov sənətkarla görüşüb və görüşdən fotosunu sosial şəbəkədə paylaşıb. Hüseynov Rəhimova üçün darıxdığını bildirib.

"Respublikanın xalq artisti Elmira Rəhimovanın həm səsi, həm də özü üçün çox darıxmışdım. Bu gün ona baş çəkdim. Məlahətli səs, gözəl ürək sahibi olan Elmira xanım gəlişimə çox sevindi. Xəstəlikdən danışmaq istəməsə də, onu söhbətə tutub səhhəti barədə məlumat əldə etdim. Sən demə, sevimli müğənnimizin nəvəsi də ağır xəstəlikdən əziyyət çəkir. Bir sözlə, gəncliyini, yaradıcılığını, gözəl səsini, istedadını bizlərdən, öz xalqından əsirgəməyən sənətçimizin indi bizə, bizim sevgimizə və dəstəyimizə ehtiyacı var".

Qeyd edək ki, E.Rəhimova bir neçə ildir mətbuata və televiziyaya müsahibə verməkdən imtina edib.

İntiqam VALEHOĞLU
Ölkə.Az