Almaniya kəskin etiraz etdi

"Ölkə.Az" xəbər verir ki, alyansın Almaniya, Fransa, Niderland və Danimarka kimi üzv dövlətləri sammitin Türkiyədə keçirilməsinə qəti etiraz ediblər.

Dövlətlərin etirazının məqsədi isə NATO tərəfindən Ankaranın daxili siyasətinin dəstəklənməsi təəssüratının yaranmasını istəməmələridir.

Alyansın 2016-cı ildə Varşavada keçirilən sammitində Türkiyə prezidenti Ərdoğan NATO-ya üzv ölkə rəhbərlərinin İstanbulda görüşünün keçirilməsini təklif edib. Bu məsələ ilə bağlı rəsmi qərar qəbul edilməsə də, dəvətin qəbul edildiyi düşünülürdü.

2017-ci ildə NATO sammiti Brüsseldə keçirildi. 2018-ci ildə alyansa üzv dövlət rəhbərlərinin yenə də Belçika paytaxtında görüşəcəyi istisna deyil. Alyansa üzv olan 18 Avropa dövləti bu qərarı dəstəkləyir.

İyun ayında NATO ölkələrinin müdafiə nazirlərinin görüşü keçiriləcək. Bu görüşdə sammitin harada keçirilməsi məlum olacaq.

Hikmət
Ölkə.Az