Rusiya Moldava və Estoniyanın diplomatlarını ölkədən qovur

“Ölkə.Az” xəbər verir ki, bu barədə Rusiya Xarici İşlər Nazirliyi məlumat yayıb. Verilən məlumatda bildirilir ki, Rusiya beş Moldova və iki Estoniya diplomatını ölkədən çıxarır. 

“Bu addım rusiyalı diplomatların Moldova və Estoniyadan çıxarılmasına cavab olaraq atılıb. Moldova səfirliyinin 5 əməkdaşı 3 gün, Estoniyanın Peterburqdakı baş konsulu və Estoniya Baş Konsulluğunun Pskovdakı dəftərxanasının rəhbəri 5 gün ərzində Rusiyanı tərk etməlidir. Rusiya Moldava və Estoniyaya qarşı əlavə sanksiyalar da tətbiq edəcək”, - deyə Rusiya XİN-dən məlumat verilib.

Məsələ ilə bağlı Moldova prezidenti İqor Dodon mətbuata açıqlama verib. Açıqlamasında İ.Dondon bildirib ki, iki ölkə arasında münasibətlər getdikcə pisləşir. Onun sözlərinə görə, iki ölkə münasibətlərinin son 25 il ərzində bu qədər pis olmayıb.

“Rusiya bundan sonra iqtisadi və sosial xarakterli cavab addımları atmayacaq”, - deyə İ.Dondon bildirib.

Qeyd edək ki, Rusiyanın Moldovadakı səfirliyi dünən 5 rusiyalı diplomatın "persona non-qrata" elan edilməsi barədə məlumat alıb. Moldova baş naziri Pavel Filipp xüsusi xidmət orqanlarından daxil olmuş informasiya əsasında belə bir qərar qəbul edildiyini söyləyib. Rəsmi Moskva bunu Moldovada bir siyasi qüvvənin ölkə prezidentinin kursuna zidd təxribatı kimi dəyərləndirib. Rusiya bu addıma adekvat cavab veriləcəyini bildirib.

Ziya Saccad
Ölkə.Az