Barak Obama Vaşinqtonda 8 milyon dollara ev aldı
ABŞ-ın sabiq prezidenti Barak Obama yeni ev alıb.
"Ölkə.Az" xəbər verir ki, Obama Vaşinqtonda dəyəri 8 milyon dollar olan mülkə sahib olub. Əvvəllər prezident bu evi kirayəyə götürmüşdü və ailəsi ilə birlikdə burada yaşayırdı.
Verilən məlumata əsasən evin 8 yataq otağı, 9 vanna otağı var. Bildirilir ki, Obama ev üçün 8.1 milyon dollar pul sayıb.
Eks-prezident həyat yoldaşı Mişel və iki qızı ilə birlikdə hələ ən azı iki il Vaşinqtonda yaşayacaq. Çünki Obama ailəsinin kiçik qızı Saşa yaxınlıqdakı məktəbdə təhsil alır.
Hikmət
Ölkə.Az
