Zaqatalaya dolu düşdü
Zaqatalada güclü küləklə müşahidə olunan qısamüddətli leysan yağışı yağıb.
Ölkə.Az ARB-yə istinadən xəbər verir ki, rayonun Danaçı və Fındıqlı kəndlərinə isə dolu düşüb.
Kənd sakinlərinin dediyinə görə, təxminən 25 dəqiqə ərzində yağan dolu qoz boyda və daha iri olub. Sözügedən kəndlərin bir hissəsinə düşən dolu əsasən meyvə-tərəvəzə ziyan vurub.
Dəymiş zərərin məbləği aparılan hesablamalardan sonra müəyyənləşəcək.
