İŞİD Filippində qanlı terror törətdi

“Ölkə.Az” xəbər verir ki, “Manila Times” Agentliyinin verdiyi məlumata görə, partlayışdan sonra həmin ərazidə atışma başlayıb.

Hadisə barədə məlumat daxil olan kimi əraziyə təcili yardım, yanğınsöndürən, xilasedicilər və hüquq mühafizə orqanlarının əməkdaşları cəlb olunub. Atışma nəticəsində ən azı 25 nəfər yaralanıb. Yaralılar təcili yardım maşınları ilə xəstəxanalara yerləşdiriliblər. 

Xilasedicilər bildiriblər ki, hələ də binada xeyli sayda yaralı insan var. Partlayışın kompleksin ikinci mərtəbəsində baş verdiyindən, yaralıların çoxunun elə həmin mərtəbədə olduğu ehtimal edilir.

“ABS-CBN” telekanalının verdiyi məlumatda bildirilib ki, mehmanxanaya basqın edən qara maskalı şəxslər olub. "SITE Intellegence Group" monitorinq portalının yazdığına görə, hadisə İŞİD terror təşkilatı tərəfindən törədilib. Bildirilib ki, İŞİD terror təşkilatı Manilanın mehmanxana kompleksində baş verənlərə görə məsuliyyəti üzərinə götürüb.

Qeyd edək ki, bu mehmanxana kompleksi Filippinin beynəlxalq hava limanı yaxınlığında yerləşir.

Ziya Səccad
Ölkə.Az