Filippində mehmanxanada baş verən hadisə terror aktı olmayıb

“Ölkə.Az” xəbər verir ki, bu barədə ölkənin polis idarəsinin rəisi bildirib. Onun sözlərinə görə, hadisə cinayət xarakteri daşıyıb və terrorla əlaqəli olmayıb.

Polis rəisi “ABS-CBN” kanalına verdiyi müsahibədə deyib ki, mehmanxanaya gələn maskalı şəxs bir nəfər olub. O, oğurluğa cəhd edib. Polis rəisi həmçinin bildirib ki, hadisə zamanı xəsarət alan olmayıb. Onun hadisədən sonra qaçıb gizləndiyi açıqlanıb.

Qeyd edək ki, Filippinin paytaxtı Manilada “Resorts World Manila” mehmanxana kompleksində atışma baş verib. Dünya mətbuatında bildirilirdi ki, hadisə zamanı 25 nəfərdən çox insan xəsarət alıb. 

“ABS-CBN” telekanalının verdiyi məlumatda bildirilib ki, mehmanxanaya basqın edən qara maskalı şəxslər olub. "SITE Intellegence Group" monitorinq portalının yazdığına görə, hadisə İŞİD terror təşkilatı tərəfindən törədilib. Bildirilib ki, İŞİD terror təşkilatı Manilanın mehmanxana kompleksində baş verənlərə görə məsuliyyəti üzərinə götürüb.

Qeyd edək ki, bu mehmanxana kompleksi Filippinin beynəlxalq hava limanı yaxınlığında yerləşir.

Ziya Səccad
Ölkə.Az