Bu ölkədə arıqlayanlara qızıl verilir

Bir kiloqrama görə 2 qram təmiz qızıl.

Ölkə.Az xəbər verir ki, Birləşmiş Ərəb Əmirlikləri hökuməti insanlarda artıq çəki problemini dövlət səviyyəsində həll etmək üçün qeyri-adi üsula əl atıb. Hökumətin həyata keçirdiyi tədbir öz orijinallığı ilə çoxlarını heyrətləndirib. Belə ki, sosial reklamların təbliğatına xərclənən maliyyə artıq birbaşa olaraq iradə toplayan və artıq kilolardan qurtulmağı bacaran şəxslərə verilir.

Artıq ikinci ildir ki, Dubayda artıq çəkiyə malik insanların qatıla biləcəyi maraqlı müsabiqə start götürür. Sözügedən müsabiqəyə çəki problemi olan istənilən şəxs qatıla bilər. Atılmış kiloların müqabilində isə müsabiqənin sonunda qramlarla qızıl verilir.

Yerli bələdiyyə orqanı tərəfindən təşkil edilən tədbir "Sizin övladınız qızıldandır" adını alıb. Bildirilir ki, bir kiloqrama görə 2 qram təmiz qızıl mükafatı təqdim olunur.

Rəşid Mustafazadə

Ölkə.Az