Merilin Monronun mülkü satıldı
Hollivud ulduzu Merilin Monronun mülkü 7.2 milyon dollara satılıb.
"Ölkə.Az" xəbər verir ki, sahəsi 800 kvadrat metr olan ev Kaliforniya ştatının Brentvud şəhərində yerləşir.
Bu Monroya məxsus yeganə evdir. Aktrisa yaşadığı müddət ərzində jurnalistləri evinə buraxmayıb və evin fotolarını çəkməyə icazə verməyib. Aktrisa bu barədə deyirdi: "İstəmirəm ki, hamı harada yaşadığımı, divan və ya sobamın necə olduğunu görsün".
Merilin mülkü 1961-ci ildə 80 min dollara alıb. 1962-ci ildə aktrisa bu evdə vəfat edib. Bu zaman onun 36 yaşı var idi.
Ev sonuncu dəfə 2012-ci ildə 3.5 milyon dollara alınsa da, orada heç kəs yaşamayıb. Ötən ilin aprel ayında mülk yenidən satışa çıxarılıb. Evin yeni sahibinin kimliyi barədə məlumat verilmir.
Hikmət
Ölkə.Az
