Merkeldən Trampa reaksiya: "Bu qərar bizi dayandıra bilməz"

"Ölkə.Az" xəbər verir ki, Almaniya kansleri ABŞ prezidentinin bu qərarını böyük təəssüf hissi ilə qarşılayıb.

Merkel Berlində açıqlama verərək deyib: "ABŞ-ın Paris anlaşmasından çəkilmə qərarıyumşaq dillə söyləsək, son dərəcə mənasızdır. Paris müqaviləsi dünya ölkələri arasında əməkdaşlığın sütunlarından biridir. 2030-cu ildəki hədəflərə çatmaq üçün bu müqavilə zəruridir".

ABŞ-ın qərarından sonra gələcəyə baxmaq lazım olduğunu qeyd edən Merkel əlavə edib: "Bu qərar bizim kimi özünü dünyanın mühafizəsinə həsr edən insanları dayandıra bilməz. Əksinə, Almaniyada, Avropada və bütün dünyada iqlim dəyişikliyi kimi bəşəriyyət üçün vacib olan bir imtahanı uğurla başa vurmaq üçün bütün güclərimizi birləşdirəcəyik. Bu yol bütün bəşəriyyətin xeyrinədir və dünyada daha çox rifaha yol açacağına inanıram".

Merkel bildirib ki, dünyanı qoruya bilmək üçün Paris müqaviləsinə ehtiyac var.

Hikmət
Ölkə.Az